Міхаіл Фёдаравіч Гурын

Міхаіл Фёдаравіч Гурын
Дата нараджэння	8 лістапада 1941(1941-11-08) (83 гады)
Месца нараджэння	Радунь, Ушанскі сельсавет, Мірскі раён, Баранавіцкая вобласць, БССР, СССР
Грамадзянства	Беларусь
Род дзейнасці	археолаг, гісторык
Месца працы	БПІ Інстытут гісторыі НАНБ
Навуковая ступень	доктар гістарычных навук
Альма-матар	БДУ

Міхаіл Фё́даравіч Гу́рын (8 лістапада 1941, Радунь, Карэліцкі раён, Гродзенская вобласць) — беларускі археолаг, гісторык. Доктар гістарычных навук (1991).

Біяграфія

У 1971 годзе скончыў Беларускі дзяржаўны ўніверсітэт. Працаваў у Беларускім політэхнічным інстытуце. 3 1976 г. у Інстытуце гісторыі НАН Беларусі. Член Міжнароднага камітэта па вывучэнні старажытнай металургіі.

Асноўныя працы Міхала Гурына прысвечаныя гісторыі вытворчасці жалеза і яго апрацоўкі на Беларусі. Даследаваў структуру крычнага жалеза, працэс крыцаўтварэння, прасачыў развіццё кавальскай тэхналогіі з сярэдзіны 1-га тысячагоддзя да н.э. і да нашых дзён. Браў удзел у раскопках Мінскага Замчышча. У 1962—1964 гг. удзельнічаў у размініраванні боепрыпасаў часоў Вялікай Айчыннай вайны на тэрыторыі Беларусі і Украіны.

Творы

Артыкулы

• Гарадзішча Ліпнякі / М. Ф. Гурын, М. І. Лашанкоў // Весці Акадэміі навук Беларусі. — 1984. — № 2. — С.
• Раскопки городища у д. Ленино / М. Ф. Гурин // Археологические открытия 1980 года / АН СССР, Ин-т археологии; [отв. ред. Б. А. Рыбаков]. — М.: Наука, 1981. — 508 с.: ил. — С.

Артыкулы ў слоўніках, даведніках і энцыклапедыях

• Леніна / М. Ф. Гурын // Археалогія Беларусі: энцыклапедыя: у 2 т. / [склад. Ю. У. Каласоўскі; рэдкал.: Т. У. Бялова (гал. рэд.) і інш.]. Т. 2: Л — Я. — Мн.: Беларуская Энцыклапедыя, 2009. — 492, [1] c. — С. 12. — ISBN 978-985-11-0354-2.
• Ліпнякі / М. Ф. Гурын // Археалогія Беларусі: энцыклапедыя: у 2 т. / [склад. Ю. У. Каласоўскі; рэдкал.: Т. У. Бялова (гал. рэд.) і інш.]. Т. 2: Л — Я. — Мн.: Беларуская Энцыклапедыя, 2009. — 492, [1] c. — С. 19. — ISBN 978-985-11-0354-2.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.

Спасылкі

• Гурын Міхаіл Фёдаравіч на сайце анлайн-энцыклапедыі «Беларусь у асобах і падзеях»